Holanda cobrará o imposto de circulación polos kilómetros recorridos
Holanda poñerá no 2012 en marcha un novo sistema impositivo para os vehículos en función dos kilómetros que percorran e das horas nas que se circule. A idea, que se levará a cabo instalando un sistema de navegación satelital en cada coche, pretende que pague máis quen máis contamine. O transporte público e os vehículos adaptados para minusválidos estarán exentos deste imposto.
FRASE DO DÍA:
“Non se ve ben máis que co corazón. O esencial é invisible aos ollos” decía Antoine de Saint-Exupéry.
Unha empresa sevillana instala unha pista de “xeo ecolóxico” en Eurodisney
A empresa sevillana Xtraice instalou no Hotel Nueva York de Eurodisney, en París, unha pista de esquí moi especial, xa que suporá un aforro enerxético de 3600 kwh/día, o consumo que realizan 600 familias. Trátase dun material moi parecido ao xeo e cun grado de deslizamento excepcional, que non se ve afectado polas condicións climáticas. Ademais, é fácil de montar e desmontar, necesita pouco espazo para o seu almacenaxe e reduce o impacto das caídas, grazas ao grado de absorción dos golpes.
FRASE DO DÍA:
“Cada persoa é dona do seu silencio e esclava da súa palabra”
Atopan en Irán unha cunca con restos de viño do 5400 a.C.
Aínda que foron os gregos e os romanos quenes difundiron o cultivo da vide e a produción de viño nas nosas terras, a orixe desta bebida podería atoparse na antiga cultura persa. Unha proba delo é os rstos que atoparon nas montañas de Zagros, na actual Irán, dunha cunca con restos de viño do ano 5400 antes de Cristo, un dos restos dos arqueolóxicos máis antigos desta actividade.
Os persas non só disfrutan bebendo viño, senón que o usaban como medicina, ofrecíanllo aos deuses e pagaban con el aos traballadores.
FRASE DO DÍA:
“Non hai malas herbas nin homes malos. Só hai malos cultivadores “ afirmaba Víctor Hugo.
8 de marzo
Sempre gustei de utilizar este cartel polo seu doble simbolismo. Creo que representa perfectamente unha imaxe e unha actitude acorde co que se pretende reflectir. Así que agora adobémolo cunhas verbas de Esperanza Guisán e xa podemos comentar algunha cousa que nos soe deste ou daquel outro filósofo para xustificar outros menesteres.
Velaiquí o noso tributo nesta data. Saúdos
Aprendendo co ordenador
Normalmente o material está preparado por expertos e ten un impacto positivo na educación de quen o utiliza, pero unha gran parte limítase a mostrar contidos (cancións, cores, formas xeométricas) deixando pouco marxe á experimentación activa. É sabido que a mellor maneira de aprender algo é facéndoo, así que parece razoable elexir materiais educativos interactivos, aproveitando a competencia dixital dos nenos de hoxe en día.
A alternativa ven da man de Gcompris, unha suite educativa libre e gratuita que funciona con Microsoft Windows, GNU/Linux ou Apple MacOSX e está traducida a máis de trinta idiomas.
Basta con acceder a gcompris.net e pulsar o enlace de descarga para poder instalalo e ter máis de 100 actividades educativas pensadas para nenos de 2 a 10 anos. En cada actividade hai un símbolo indicando o seu nivel de dificultade e existen diferentes categorías : puzles, matemáticas, estratexia…
Así, temos á nosa disposición un enorme e variado conxunto de actividades educativas para que os máis pequenos da casa aprendan mentras xogan.
FRASE DO DÍA:
“Quen non comprende unha mirada, tampouco comprenderá unha larga explicación” afirmaba un proverbio árabe.
Estres ante os exames
A ansiedade ante os exames é un tipo de ansiedade de “execución”, o que pode experimentar unha persoa nunha situación onde importa moito o rendemento ou a correcta execución dunha tarefa ou existe unha presión por facer as cousas ben.
Coma calquera outra situación onde unha persoa pode ter ansiedade de execución, nun exame, a ansiedade pode facer que sinta que ten un nó na garganta, teña molestias “gastrointestinais”, dor de cabeza, suor de mans, latidos rápidos,…
Qué o provoca? Cando unha persoa está baixo estres, o seu corpo libera unha hormona denominada adrenalina, que o prepara para reaccionar ante o perigo. Isto é o que provoca os síntomas corporais, que poden ser de leves a intensos.
Quén pode telo? Os estudantes que lles importan os resultados, os que non prepararon ben os exames.
Qué se pode facer? Emprega un pouco de estres ó teu favor, xa que é un mecanismo que prepara o teu corpo e te avisa do “perigo”, pide axuda, prepara ben o exame, controla os teus sentimentos, acepta os teus errores, e o máis importante, coida a túa saúde, xa que durmindo ben é a única maneira de poder render ó máximo.
Desde o meu punto de vista, aprender a controlar os teus impulsos é clave para poder actuar en consonancia co que se che pide, co cal, aprende a controlarte e sairás gañando!!!
Gallego!!
Reproducimos aquí unha nota dun colectivo que, gratuita e ironicamente, reflexionan sobre os feitos actuais (e pasados) da lingua e da cultura. Algo poderemos aproveitar das súas palabras ….
Disidentes en galego.
Ante a situación actual da cultura en galego, cómpre formar unha asociación de disidentes en galego.
Os disidentes en galego discrepamos, por un lado, dos que sosteñen que o galego é unha lingua de pouca categoría, aceptable se o seu uso queda subordinado ó castelán na Península Ibérica e ó inglés no mundo en xeral. Por outro lado tamén discrepamos dos que sosteñen que falar galego é un deber patriótico na necesaria construción permanente da nación galega, e dos que opinan que o castelán non é unha lingua galega malia levar séculos de uso con moitos falantes nativos na Galicia.
Así que os membros da asociación informal e gratuíta “Disidentes en galego” reivindicámolo noso dereito a disentir de todo isto. E, por suposto, disentimos do monopolio fáctico exercido polos nacionalistas galegos sobre a cultura en galego, e sobre todo tipo de subvencións e apoios económicos á creación en galego.
Un nacionalista español, por exemplo un típico militante do partido “Unión, Progreso e Democracia”, pode falar ou escribir en galego e non por iso cambia de ideoloxía. Igual que un nacionalista galego independentista non deixa de ser arredista cando fai propaganda en castelán do seu proxecto político.
Pra nós, que queremos unha cultura en galego máis ceibe, máis ampla, máis interesante internacionalmente, cómpre salientar con serenidade e claridade que unha lingua é só un xeito de falar, que non leva implícita ningunha ideoloxía, especialmente que falar galego non implica ser nacionalista galego, nin de esquerdas nin anticapitalista. O galego é pra tódolos que pretendan falalo. Mesmo prós que din que a Galicia non é unha nación, senón só unha rexión española.
Admítense tódalas opinións se van en galego.
In Italia
Víspera da partida. Por diante temos unha semana de viaxes e de intercambio cultural. Deste martes de entroido 16 de febreiro ata o martes 23 andaremos polo Norte de Italia, con ese fríos e esas nevadas. Teremos como base a città di Novara e il mercoledì traballaremos no tema “La musica e i giovani”, e faremos unha visita ó síndaco de Romentino.
O xoves a Milano, con toda a forza do Renacemento, pero sen poder participar da Derradeira Cea.
O venres en Aosta, espazo amplo e privilexiado que nos acollerá durante todo o día.
O sábado estaremos en Torino, e visitaremos a Molle Antonelliana (Museo do Cinema) e o Museo exipcio, do que Champollion comentou: “O camiño para chegar a Menphis e a Tebas pasa por Turín”).
A Domenica sarà una giornata famigliare. Cada quen poderá ver o que os anfitrións decidan, pero seguro que cruzarémonos entre néboas e humidades.
O luns veremos o segundo mellor acuario de Europa (xa sabedes onde está o primeiro).
O martes faremos a despedida escolar e académica, e partiremos co ángelus de volta á casa e ás clases.
Será a nosa primeira saída internacional e agardo que Porta Aberta para todas as seguintes e para suliñar a importancia que para nós teñen os espazos europeos, e a necesidade de vivir abertos á súa influencia. Ciao a tutti ….
O secreto dos seus ollos
Esta película arxentina foi con diferencia a mellor, na miña opinión, do pasado certame donostiarra. Porén, non aparece nos seus palmarés, algo moi frecuente nos festivais de cine cuxos xurados soen premiar films que pasan ao olvido nada máis acabar. Estou segura de que “O secreto dos seus ollos” pervivirá na memoria dos seus espectadores, como permanece no recordo “O fillo da noiva”, outro gran éxito anterior do seu director Juan José Campanella.
Conta a historia de Benjamín Expósito, un policía xudicial que acaba de xubilarse e empeza a escribir unha novela de intriga inspirada nun caso resolto que lle deixou moi mal sabor de boca. En 1974 unha xoven esposa, case recén casada, foi violada, torturada e asasinada no seu domicilio. O seu marido, que a quería apasionadamente, nunca se recuperou de aquel golpe.
O amor e testadurez de aquel home fixo que Benjamín non se resignara de todo cando o fiscal deu por archivado o caso. Durante a investigación paralela que mantivo co seu amigo e colega Sandoval deron co asesino, pero as circunstancias políticas da época permitiron que quedara impune. Agora, ao refrescarde novo algúns puntos para o seu libro, volve a falar do asunto sobre todo coa que entón era tan só axudante do fiscal, Irene, agora convertida en nai de familia e fiscal titular.
Todo isto tecido con moito humor, uns diálogos inspirados e chispeantes, e un ritmo narrativo impecable que só flaquea ao final por culpa desa manía tan actual de alargar a narración para proporcionar ao espectador unhas sorpresas ao acabar.
FRASE DO DÍA:
“O poeta non vive para escribir. Escribe para vivir” afirmaba Marina Tsvetaeva.
O aceite de oliva sacia
O ouro da dieta mediterránea, o aceite de oliva, contén moitas calorías (nove por cada gramo) e por iso debe tomarse con moderación para evitar o exceso de peso. Non obstante, e a pesar de esta desventaxa, os beneficios do aceite de oliva parecen non ter fin, incluso neste aspecto.
Según unha investigación, o ácido oleico deste produto crea unha sensación de saciedade que axuda a non picar entre horas e non comer ata reventar. Os autores deste estudo, observan que as señais que chegan ao cerebro despois de comer para indicar que se mitigou a fame son máis fortes cando se inxire unha dieta rica en ácido oleico.
FRASE DO DÍA:
“Rirse de todo é propio de tontos, pero non rirse de nada é de estúpidos” decía Erasmo.