Un microorganismo, tamén chamado microbio, é un ser vivo que só pode visualizarse co microscopio. A ciencia que estuda os microorganismos é a microbioloxía. «Micro» provén do grego (diminuto, pequeno) e «bio» do grego (vida): seres vivos diminutos. Son organismos dotados de individualidade que presentan, a diferenza das plantas e os animais, unha organización biolóxica elemental. Na súa maioría son unicelulares, aínda que nalgúns casos se trate de organismos cenóticos compostos por células multinucleadas, ou mesmo multicelulares.
