Foto do seu perfil en Facebook

Aurora Marco estivo no IES Campo de San Alberto o venres 15 de marzo para responder ás preguntas de Entrepontes. A profesora e investigadora, como experta que é na temática da muller, clarificou tódolos aspectos sobre os que se lle preguntou. A temática da entrevista versou sobre a muller galega na guerrilla antifranquista. Ademais a escritora publicou no 2011 o seu libro “Mulleres na guerrilla antifranquista galega” que se vincula directamente coa entrevista e cos contidos que os entrevistadores están a traballar na materia de Historia. A obra foi e é un referente para o estudo do rol que desenvolveron duascentas guerrilleiras galegas e que nos teletransporta a época franquista.

O traballo por competencias volve a ser centro da pedagoxía desenvolvida polos docentes e a alma da nosa publicación. En breve, a entrevista ao completo será publicada neste blogue.

Foto obtida do blog da Plataforma pola defensa de Corcoesto

Alumnado de cuarto da ESO e primeiro de Bacharelato do IES Campo de San Alberto investigan sobre o proxecto de Minería de Corcoesto S.L. para a extracción de ouro nesta localidade da Costa de Morte  para dilucidar os beneficios e prexuízos da mesma. Analizarán o contido da información publicada nos medios de comunicación e acercaranse á realidade a través do contacto coa Plataforma pola defensa de Corcoesto. O traballo culminarase cunha entrevista en profundidade a Carmen Varela, doutora en Química Orgánica no Centro Nacional Oncolóxico, para unha análise exhaustiva dende as perspectivas ambientais e da saúde.

Entroido en Verín

A orixe do entroido é moi variada segundo as fontes que manexes, pero o que está claro para todos/as e que nesta festividade, que este ano se celebra o martes día 12 de febreiro, a celebración está asegurada. As rúas das vilas e cidades galegas énchense de cores, música, alegría,  diversión e despreocupación.   A destacar en Galicia os entroidos de Verín, Xinzo de Limia, Laza, Viana do Bolo, Vila de Cruces, A Estrada, Xinzo e outros máis repartidos nas catro provincias galegas.

En primeiro lugar poderannos contar como se vive unha sesión no Parlamento de Galicia, e en especial, despois da controversia xerada estes días sobre a asistencia ás sesións parlamentarias.

O Parlamento de Galicia

En segundo lugar, poderán desfrutar en primeira persoa da exposición “Galicia Petrea”, que trata a historia de Galicia a través da pedra e se expón na Cidade da Cultura.

E en terceiro lugar, coa visita á Catedral de Santiago, onde se meterán no papel de peregrinos.

[There is a video that cannot be displayed in this feed. Visit the blog entry to see the video.]

O alumnado da aula específica do IES Campo de San Alberto está realizando un estudo en profundidade sobre a arquitectura en Noia. Despois dunha explicación por parte dunha experta en arquitectura o alumnado aventurouse a analizar os edificios e elementos arquitectónicos máis relevantes da vila. Nestos momentos xa se dispón de suficiente material gráfico para ir estudando e comparando as distintas construcións elixidas para o proxecto Coñecendo a Nosa Vila. O resultado será publicado no blog Superespeciais e na revista Entrepontes do centro.

A redacción de Entrepontes deséxavos a todos/as un feliz aninovo. Despois das campás do trinta e un e uns días de descanso o comité de redacción poñerase a traballar na nova edición da revista con forzas e ilusións renovadas para, polo menos, lograr un produto da calidade do ano pasado. Feliz ano!

Postal deseñada polo alumnado da Aula Específica

A revista Entrepontes faise eco da postal de nadal que este ano deseñou a Aula Específica para desexar a toda a comunidade educativa unhas felices festas. BO NADAL!!!

Fai 64 anos a Asamblea Xeral das Nacións Unidas adoptou a Declaración Universal dos Dereitos Humanos. A barbarie acompañou sempre á especie humana, por iso é importante que se fixera esta declaración para alcanzar entre todos/as a erradicación de tales actos.

O día da Constitución celébrase o día 6 de decembro para conmemorar o aniversario do Referéndum para a ratificación da Constitución española. Neste referéndum a sociedade española escolleu aprobala por maioría. Polo tanto, tal día como o 6 de decembro deste ano, pero fai xa 34 anos os cidadáns españois decidiron dar o seu voto pola democracia en España, nunha papeleta como esta:

E como resultado da rotunda maioría aprobouse a Constitución de 1978, a lei fundamental pola que se rexe o sistema de goberno de España.

Exemplar conservado no Congreso dos Diputados