Foro de profesores

Posted by mlorenzo on mayo 1, 2010

AXENDA 21EG

Mª Dolores Rodríguez Rodríguez

“Convivir coma cidadáns nunha sociedade complexa e dinámica require a introducción do concepto de sustentabilidade, que depende de variables económicas; pero tamén das variables sociais, soportadas todas elas polos recursos naturais, cada vez máis amenazados” DOGA, 20 de Abril de 2010.
Coa finalidade de introducir o concepto de sustentabilidade no ensino formal, a Consellería de Medio Ambiente, Territorio e Infraestructuras, en coordinación coa Consellería de Educación e Ordenación Universitaria, puxo en marcha o Programa Axenda 21EG, que ten como obxectivo desenvolver o concepto de sustentabilidade no ámbito do ensino formal, a través da participación de tódolos membros da comunidade escolar.
Como sabedes, este curso inscribimos (dende os Departamentos de Bioloxía-Xeoloxía e Física-Química) o noso Instituto neste Programa A21EG para ter unha primeira “toma de contacto”, pois, será o próximo curso, se conceden o novo Proxecto Comenius, cando se poda “sacar máis rendemento”, pois xa haberá un maior número de persoas implicadas, xa que traballarase, precisamente, sobre o desenvolvemento sostible.
Aínda así, e, parece que non fixemos nada, estamos implicadas bastantes persoas. A todas, o meu agradecemento, e, sen citar nomes, seguro que moitas vos sentides implicadas cunha certa complicidade neste proxecto, aínda que, en algún caso, non fórades conscientes:
- Dinamización S.O.S – Recollida selectiva – Colaboración na campaña de Sensibilización (enquisas sobre a pegada ecolóxica, piruletas de comercio xusto, elaboración de bonecos temáticos sobre o medio ambiente, …)
- Elaboración de videos, presentacións, … – Elaboración do xabón natural
- Día 12 de Abril (Interculturalidade), obradoiros, charlas, xantar,…
- Exposición de productos “respetuosos” co medio ambiente.
- Disponibilidade a colaborar e iniciar cambios no Instituto, como iniciar o uso de papel reciclado, usar a ecobola na lavadora, usar productos coa ecolabel, cambiar a recepción da nómina de papel ó noso correo electrónico, informar sobre productos nocivos (a presencia de fosfatos nos deterxentes,…).
- Por último, destacar o traballo de coordinación desta revista ENTREPONTES, onde, os temas tratados sobre enerxías renovables, agricultura ecolóxica,…poñen de manifesto a preocupación e sensibilización sobre o coidado do NOSO PLANETA e que temos que camiñar hacia un desenvolvemento mais sostible.
A todos e todas moitas gracias pola vosa colaboración.