0

Entrega de premios do I Concurso muller e nena na ciencia

Posted by salial on 12 febrero, 2017 in ciencias, Concursos, Proxecto Documental |

muller cienciaBÚSCANSE CIENTÍFICAS

O sábado, 11 de febreiro, no Salón de Graos do edificio Politécnico do Campus de Ourense tivo lugar a entrega de premios do I Concurso de debuxo e redacción do Día Internacional da Muller e a Nena na Ciencia e alí estivemos para acompañar aos gañadores.

Lúa Domínguez Grande– 2º premio, co  debuxo “Jane Goodall, unha defensora dos animais”.  
José Vidal González Gómez – 2º premio, coa redacción “Segue o rastro dos teus ancestros con Rebecca L. Cann” .
Sofía González Iglesias – 3º premio, coa redacción “Elena García e os robots camiñantes”.P1150387

Que é a nanociencia? A investigadora galega Verónica Salgueiriño deu unha charla moi interesante sobre nanotecnoloxía, coa axuda dunha presentación e cunha linguaxe moi sinxela aclarounos conceptos básicos do que significa traballar coas nanopartículas. 

“Ejemplo de mujer científica para los investigadores del futuro. La experta Verónica Salgueiriño habló sobre nanociencia a niños premiados en un concurso”. VOZ DE GALICIA. 

P1150371
A continuación, o vicerreitor do campus de Ourense da Universidade de Vigo, Virxilio Rodríguez e a investigadora Verónica Salgueiriño realizaron a entrega dos premios e animaron aos gañadores a cursar grados de ciencias no Campus de Ourense.

Foto dos gañadores// Faro de Vigo, Jesús Regal

                                                 Foto dos gañadores// Faro de Vigo, Jesús Regal

Faro de Vigo. Princesa no, mejor científica. Redacción Ourense

Princesa no, mejor científica. Redacción de Ourense do Faro de Vigo (12/feb/2017)

 

Etiquetas: ,

0

Jane Goodall, unha defensora dos animais

Posted by estudante on 9 febrero, 2017 in ciencias, Concursos, Proxecto Documental |

Princesa non, mellor científica. Faro de Vigo

Lúa 

2º premio no I Concurso de debuxo e redacción do Día Internacional da Muller e a Nena na Ciencia

“Princesa non, mellor científica”. Fotografía  Faro de Vigo, 12.02.17

jane goodall

Concurso cienciaConvoca Facultade de Ciencias, a Escola Superior de Enxeñería Informática e a Escola Enxeñería Aeronáutica e do Espazo en colaboración coa unidade de Igualdade da Universidade de Vigo.

Etiquetas: ,

0

Segue o rastro dos teus ancestros con Rebecca L. Cann

Posted by estudante on 9 febrero, 2017 in ciencias, Concursos, Investigación, Proxecto Documental |
Princesa non, mellor científica. Faro de Vigo

Fotografía Faro de Vigo

José Vidal


2º premio no I Concurso de debuxo e redacción do Día Internacional da Muller e a Nena na Ciencia

Rebecca L. Cann naceu en 1951, en Burlington, EEUU, segue viva na actualidade e reside en Honolulu, Hawai, onde é profesora no Departamento de Bioloxía Celular e Molecular da Universidade de Haway en Manoa.

Nos anos 80, Cann xunto cos científicos Stoneking e Willson, embarcáronse nun proxecto baseado no estudo do ADN mitocondrial (ADNmt) para seguir o rastro dos nosos ancestros.

Unha característica a ter en conta das mitocondrias, é que só se herdan por vía materna, o que significa que a descendencia só será portador do ADNmt da nai. Tras analizar os xenes de distintas mulleres, estableceron unha relación de parentesco que lles permitiu afirmar que todos temos un ancestro común: unha muller que viviu fai uns 200 000 anos en África.

Os resultados desta investigación foron presentados na súa tese de doutorado en 1982 e publicados na revista Nature, en 1987 e asinados por todos os coautores da investigación orixinal co título “ADN mitocondrial e evolución humana.”

Esta nai teórica de todos os seres humanos, pasou a chamarse popularmente EVA MITOCONDRIAL, é dicir, que se debuxaramos a nosa árbore xenealóxica, todos/as compartiriamos un antepasado común.

Os achados desta investigadora, son asumidos polos expertos como correctos.

Fontes contultadas: Rebecca Cann, al rescate de la “Eva mitocondrial” en el túnel del tiempo. http://mujeresconciencia.com/

Concurso ciencia – Convoca Facultade de Ciencias, a Escola Superior de Enxeñería Informática e a Escola Enxeñería Aeronáutica e do Espazo en colaboración coa unidade de Igualdade da Universidade de Vigo.

Etiquetas: ,

0

Elena García e os robots camiñantes

Posted by estudante on 9 febrero, 2017 in ciencias, Competencia lingüística, Concursos, Investigación, Proxecto Documental |
Princesa non, mellor científica. Faro de Vigo

Princesa non, mellor científica. Faro de Vigo

Sofía

3º premio no I Concurso de debuxo e redacción do Día Internacional da Muller e a Nena na Ciencia

Elena García naceu en Valladolid en 1971. Fixo a súa carreira doctoral sobre a estabilidade de robots camiñantes. Hoxe, é a investigadora principal e a fundadora de Marsi Bionics.

Grazas a ela, unha nena de 6 anos con tetraplexía puido volver a camiñar coa axuda do ‘‘exoesqueleto Atlas 2020”, un modelo máis tecnolóxico que inclúe maior eficacia e modernidade.

Este primeiro exoesqueleto biónico, está deseñado só para nenos/as e parece unha especie de peto mecánico duns 9 quilos de peso. Leva uns motores a altura das articulacións, é dicir, na  cadeira, no xeonllo e no  nocello e  moitos sensores e sensores que interpretan o que o neno/a quere facer. Xa para rematar conta cunha batería dunhas 2 horas de autonomía.

O principal beneficio é que permite camiñar a rapaces sen mobilidade nas pernas e axuda a que estes pequenos/as non perdan tanta masa muscular.

Fontes consultadas:   Lorena Sánchez. 10 científicas españolas de alto nivel ¡Cambia las cifras!  Homínidas las mujeres ya no son materia oscura. Quo

ELENA MARTÍNEZ VELASCO, 8 JUN 2016– Investigadores españoles crean el primer exoesqueleto para niños con atrofia muscular espinal. El País


Concurso ciencia – Convoca Facultade de Ciencias, a Escola Superior de Enxeñería Informática e a Escola Enxeñería Aeronáutica e do Espazo en colaboración coa unidade de Igualdade da Universidade de Vigo.

Etiquetas: ,

0

Isabel Zendal, sacrificio sen esperar gloria

Posted by salial on 8 febrero, 2017 in ciencias, Investigación, Proxecto Documental |
11 De febreiro día Mundial da Muller e da Nena na Ciencia

Isabel Zendal, recoñecida como a primeira enfermeira en misión internacional pola OMS

Isabel Zendal e a expedición da viruela

Isabel Zendal Gómez naceu en Ordes, A Coruña, na década dos 70 do S. XVIII, nunha familia moi humilde. Ao morrer súa nai de viruela, ela marcha servir á Coruña con só 13 anos. Aos 20 anos, comeza a traballar no Hospital da Caridade de A Coruña, primeiro como axudante e despois como rectora.

En 1803, Francisco Xavier Balmis, médico encargado de dirixir a expedición da viruela, pídelle a Isabel que reúna a 22 nenos para que viaxen á América portando no seu corpo a vacina da enfermidade.

A viruela é unha enfermidade infecciosa, que os españois contaxiaron á poboación americana provocando unha grande epidemia nos territorios de Ultramar.  O rei Carlos IV impulsou esta expedición co fin de distribuír de forma gratuíta a primeira vacina da historia. Consistía en provocar a enfermidade en grado leve,

Monumento en homenaxe aos nenos da expedición

Monumento en homenaxe aos nenos da expedición

inoculando o pus  dun enfermo a través da pel. Deste xeito o enfermo tiña moitas posibilidades de superar a enfermidade, quedando logo inmunizado.  

Na Casa do Home, en A Coruña, hai expostos varios documentos que recordan os nomes dos 22 nenos que participaron nesta a expedición da viruela -18 galegos e catro madrileños- nos seus brazos viaxou o remedio contra a viruela grazas ao descubrimento realizado poucos anos antes polo médico inglés Edward Jenner.

Isabel Zendal, debería ser unha heroína recoñecida xa que colaborou na distribución da primeira vacina da historia polo mundo enteiro e de xeito gratuito.

Isabel é a protagonista da novela “A flor de piel” de Javier Moro e de “Ángles Custodios” de Almudena Arteaga. Esta última novela foi levada ao cine co título “22 Anxos”.  

Fontes consultadas
  1. Enfermería,tv– documental
  2. Isabel Zendal, la primera enfermera de la Historia en Misión Internacional. Travelling Assistant.
  3. http://www.lavozdegalicia.es/noticia/salud/2016/11/25/gallega-isabel-zendal-primera-enfermera-labor-internacional/0003_201611G25P33991.htm
  4. http://www.abc.es/espana/galicia/abci-isabel-zendal-unica-mujer-expedicion-viruela-revive-coruna-201612251159_noticia.html

Etiquetas: ,

0

Jane Goodall, unha defensora dos animais

Posted by estudante on 7 febrero, 2017 in ciencias, Concursos, Investigación, Proxecto Documental |
Lúa

Redacción"A muller e a nena na ciencia"

Valerie Jane Morris Goodall naceu en Londres no ano 1934. É unha primatóloga, etóloga, antropóloga e mensaxeira da paz da ONU inglesa. Goodall sempre foi unha apaixoada dos animais e de África.
É considerada a maior experta en chimpancés, aos que lle dedicou 55 anos da súa vida. Pola súa implicación na conservación e benestar dos animais e polos seus traballos sobre as interaccións sociais e familiares dos chimpancés salvaxes no Parque Nacional Gombe Stream en Tanzania, outorgáronselle diversos premios e recoñecementos:

  • Distinción Oficial da Lexión de Honor, Dama comendadora da Orde do Imperio británico, William Procter Prize for Scientific Achievement.
  • Premio Internacional Cataluña, Premio Tyler ao Logro Ambiental, Medalla Benxamin Franklin
  • Premio Xénese e o Premio Príncipe de Asturias de Investigación Científica e Técnica no ano 2003.

Fontes consultadas: https://es.wikipedia.org/wiki/Jane_Goodall

 

Etiquetas:

0

María Vallet Regí, proporciona pezas de recambio para o noso corpo.

Posted by estudante on 7 febrero, 2017 in ciencias, Concursos, Investigación, Proxecto Documental |
Estudante: Ainhoa

Redacción "A muller e a nena na ciencia"

biomateriaisMaría Vallet Regí naceu nas Palmas de Gran Canaria o 19 de abril de 1946. É catedrática de Química Inorgánica na Facultade de Farmacia da Universidade Complutense de Madrid e académica das Real Academia de Inxeñería e Nacional de farmacia.

Lidera o seu propio grupo de investigación sobre biomateriais, materiais que se poden implantar nun organismo vivo para reconstrucción ou para darlle soporte: Prótesis de
cadeira, xeonllo, implantes dentais, marcapasos…

Pódense fabricar a partir de compoñentes naturais ou artificiais e empréganse para reemprazar ou reconstruír algún tecido danado: osos, dentes, pel… a causa dun accidente, dunha enfermidade ou por dexeneneración á causa da idade.

Polas súas investigacións, recibiu numerosos premios e recoñecementos entre os que destacan o Premio Nacional de Investigación 2008, o Premio FEIQUE de Investigación 2011 e a Medalla de Ouro da RSEQ en 2011. En 2013 foi nomeada Distinguished Women en química e inxeñería química pola IUPAC.

 

Fontes consultadas
http://www.aecientificos.es/empresas/aecientificos/documentos/Biomateriales.pdf
INVESTIGACIÓN EN BIOMATERIALES PARA UN  ENVEJECIMIENTO DE
CALIDAD. María Vallet Regí, catedrática de Química Inorgánica da Universidade
Complutense de Madrid

 

Etiquetas:

0

Lynn Margulis – A revolución das bacterias

Posted by estudante on 7 febrero, 2017 in ciencias, Concursos, Proxecto Documental |

Irene

Debuxo “A muller e a nena na ciencia”Toen concurso_ciencia

Etiquetas: ,

0

Sophie Germain, unha científica tenaz

Posted by estudante on 7 febrero, 2017 in ciencias, Concursos, Investigación, Proxecto Documental |
Estudante: Icía

Redacción "A muller e a nena na ciencia"

Sophie Germain (París, 1776) foi unha matemática, fisica e filósofa francesa.

Comezou a estudar de forma autodidacta e incluso se disfrazaba de home para poder entrar nas institución académicas.

Sophie Germain fixo importantes contribucións á teoría dos números, en concreto aos números primos e a teoría da elasticidade.

Por ser muller, non lle permitiron estudar a carreira de matemáticas pero traballou independentemente e a pesar das dificultades que se lle presentaron nunca se rendeu.

Morreu a causa dun cancro de mama en 1831.

Fontes consultadas: Wikipedia

Etiquetas: ,

0

Isabel Torres, unha científica pioneira nun mundo de homes

Posted by estudante on 7 febrero, 2017 in ciencias, Concursos, Investigación, Proxecto Documental |
Estefanía

Redacción "A muller e a nena na ciencia"

Isabel Torres naceu en Conca en 1905 e estudou farmacia. En 1930 ocupou unha praza na Casa da Saúde, en Valdecilla (Santander), empezou traballando sen salario e sendo a única muller entre 70 médicos.

O seu traballo consistía en analizar o valor nutritivo dos alimentos que se servían aos pacientes co fin de elaborar e controlar as dietas.

En 1933 trasladouse a Madrid para traballar investigando sobre as vitaminas. Seguiu a súa investigación en Alemaña, onde se especializou en Fisioloxía do músculo e metabolismo intermedio dos hidratos de carbono.

En 1936 empezou a traballar sobre a estrutura da Vitamina K. En 1939 tivo que deixar a investigación e volver a traballar como farmacéutica.

Desafortunadamente as súas investigacións non recibiron o recoñecemento merecido.

Etiquetas: ,

Copyright © 2011-2017 O Souto dos Laretas All rights reserved.
This site is using the Desk Mess Mirrored theme, v2.5, from BuyNowShop.com.