A muller castrexa
Proxecto Documental Interdisciplinar: Entre Viñetas
8 de marzo día Internacional da Muller
Seguimos metidos no papel de castrexas/os, representando ao noso cómic -> OS BARBANZÓNS .
E non deixamos a Pepe Carreiro, facemos agora acopio do seu libro cheo de humor sen deixar de ser histórico: “Historia das Mulleres galegas. Das marchas nómadas á Marcha Mundial das Mulleres” Edicións Baía.
A MULLER *GALEGA NA PREHISTORIA
*”Historicamente falando, aínda non existía nin Galicia nin Gallaecia”
“Recordamos á Mulier Sapiens, da época Paleolítca, vivía en tribos nómades, ía dun lado para outro, cargada coa súa prole, cazando e recollendo froitos para subsistir.
embedded by Embedded Video
Despois de miles de anos vagando polo monte, mulleres e homes decidiron facer vida sedentaria e facerse agricultoras/es e gandeiras/os. É probable que a muller do Neolítico, apandase co arranxo da casa, que lavara a louza de cerámica que xa tiñan, que atendese a horta e os animais e tamén puxase polas laxas que conforman os dolmens.”
As Mulleres castrexas
Candea e Zoé, ao fondo Aroinha de Toenius
E chegamos a nosa Etapa Prehistórica favorita: A Idade dos metais, máis concretamente a Idade de Ferro:
“Din que as mulleres prerromanas, habitantes dos nosos castros, eran mulleres guerreiras, grandes batalladoras pero tamén traballaban abondo extraendo metais, sementando e arando a terra sen deixaren de atender a casa e a familia. Tamén, seica parían no campo mentres o traballaban, comparado con isto…, ir a guerra era unha bagatela.
Mais non todo era rudo, aquelas bravas mulleres facían a súa roupa, gustaban das alfaias e doutros adornos cos que engalanarse.”