Natalidade e tamaño das familias

O paso de unha poboación de ter taxas de natalidade e mortalidade elevadas (ao redor do 40 por mil) a te-las baixas (ao redor do 10 por mil), é o que se coñece como transición demográfica, proceso secular no caso de España e Galicia pero que noutros lugares do mundo todavía están iniciando.


Un xeito de comprendermos a transición é indagando no tamaño das familias dos nosos maiores para compara-las coas nosas. Se nós temos agora ún ou dous irmáns como moito, de media, e os nosos avós tiñan moitísimos irmáns, quere dicir que a natalidade de hoxe en día (arredor dos 10 nacementos por cada mil habitantes) é baixa en comparación aos tempos dos avós (arredor do 22 por mil). Ademáis, algún deses irmáns que tiñan os pais dos nosos pais, morría sen chegar a novo ou a adulto. A día de hoxe as condicións hixiénicas e sanitarias melloraron polo que xa non é necesario ter tantos fillos para que cheguen á idade adulta. Ademáis hai setenta anos a poboación era básicamente rural, e os nenos axudaban nas tarefas do campo antes que ir á escola; hoxe, a poboación -na súa maioría- vive nas cidades, e nelas o papel dos nenos queda centrada na aprendizaxe de xeito que son básicamente consumidores.  Estas serían algunhas das razóns que explican o descenso secular da natalidade; hai que engadirlle a incorporación da muller ao traballo e a despenalización dos anticonceptivos en 1978 que levarían á caída en picado da natalidade desde os anos 1980 ata o mínimo de 1997 en que se iguala á mortalidade, que xa viña sendo baixa desde a década de 1950.

Acerca de gasilvar

Son profesor de Xeografía (3º da ESO) e de Economía (en Bacharelato) no Dpto. de Xeografía e Historia do IES Manuel Murguía de Arteixo.
Esta entrada fue publicada en arteixo, demografía, familia, Sin categoría, transición demográfica. Guarda el enlace permanente.

Deja un comentario

Tu dirección de correo electrónico no será publicada. Los campos obligatorios están marcados con *